Naimbitaran ni Vice President Sara Duterte nga umatendar iti House of Representatives hearing inton Nobiembre 20 mainaig iti confidential expenses ti opisinana.
Naiyawat ti imbitasion ken ni Duterte kabayatan ti House Quad Committee hearing nga inatendaran ti amana a ni dati a Presidente Rodrigo Duterte.
Iti invitation letter ti House Committee on Good Government and Public Accountability Chairperson a ni Rep. Joel Chua, nasken ti kaadda ni Duterte tapno maited ti clarifications iti pannakausar ti budget ti OVP manipud 2022, pakairamanan dagiti saludsod maipapan kadagiti proyekto, programa ken benepisiario, regular ken confidential funds, ken dadduma pay.
Immunan nga immatendar ni Duterte iti umuna a hearing ti House panel ken saanen nga immatendar dagiti simmaruno a hearing, gapu dagiti political motivations iti likudan ti imbestigasion.
