--Ads--
Inamin ni Vice President Sara Duterte a naminsan a binagaanna ni Sen. Imee Marcos a kalienna ti bangkay ni dati a Presidente Ferdinand Marcos Sr no saan isuna a sardengan ti kampo dagiti Marcos.
Mainaig daytoy kadagiti maipaspasagid iti bise presidente babaen kadagiti kaalyado ni Presidente Ferdinand Marcos Jr.
Segun ken ni VP Sara, addanto aldaw a turongenna ti nakaitaneman ti dati a presidente iti Libingan ng mga Bayani ta planona daytoy nga alaen ken ibelleng iti West Philippine Sea.
Maipalagip a ni dati a Pres. Rodrigo Duterte ti nangipalubos a maitabon ni Marcos Sr. iti Libingan ng mga Bayani, uray no adda dagiti dadduma a grupo a kimmontra.
-- ADVERTISEMENT --
