--Ads--
Inallukoy ni Vice President Sara Duterte dagiti pagilian a paset iti ASEAN nga agtinnulong ken ibiagda ti kaipapanan ti “bayanihan” tapno makabukel iti naranraniag a masakbayan para iti intero a rehion.
Iti mensahena para iti ASEAN Day, pinasingkedan ni Duterte a nakitana kas dati a presidente ti Southeast Asian Ministers of Education Organization Council no kasano kadakkel ti maaramid ti panagtitinnulong dagiti pagilian.
Inyarogna daytoy iti tradision ti Pilipino a bayanihan – wenno ti agkaykaysa a panagtulong ti komunidad tapno maital-o ken mayakar ti pagtaengan iti maysa a karruba iti nataltalged a lugar.
Kinaritna met dagiti agtutubo ti ASEAN nga aktibo a makipaset iti panangmuli ti masakbayan ti rehion.
-- ADVERTISEMENT --
