Kontra ni Vice President Sara Duterte iti online gambling ta patienna nga isu ti rason no apay a nadaras a maibusan iti kuarta dagiti Pilipino ken pakailumlomanda iti utang.
Segun ken ni VP Sara, awan parikut kenkuana ti regulated gambling ta saan nga amin ket makasugal ngem no online, saanen a makontrol no asino dagiti makaaramid iti account tapno makasugal isu a saanna nga anamongan ta madadael iti pamilia ken ti masangwanan dagiti agtutubo.
Maipalagip a sumagmamano a kongresista manipud iti Senado ken Kamara ti mangitaltal-o iti pannakaiparit iti online gambling gapu iti pammatina a saan a makanay a ma-regulate laeng.
Innayon met ti Department of Health a ti online gambling ket maysa a health issue a mabalin a makaapektar iti kapasidad ti maysa a trabaho nga aramiden a nasayaat ti trabahona.
