--Ads--
Dimmar-ay babaen iti virtual ni Vice President Sara Duterte iti hearing ti Senate Committee on Foreign Relations tapno anagen ti napasamak a pannakakemmeg ti amana a ni dati a Presidente Rodrigo Duterte.
Impaganetget ni Duterte nga iligal ti pannakakemmeg ni Duterte agsipud ta awan ti arrest warrant manipud iti aniaman a Korte iti pagilian.
Segun ken ni VP Sara, isuna laeng ti agtigtignay tapno maisubli ti amana iti pagilian kalpasan ti pannakakemmeg ken pannakaipanna idiay International Criminal Court – The Hague, Netherlands.
Kunana nga awanen ti sabali nga opisial ti gobierno a karaman iti tignay tapno maisubli ti amana ti pagilian, no di ket isuna laeng ti mangipaspasigurado iti kinatalged ken karbengan ti dati a presidente.
-- ADVERTISEMENT --
