Impaganetget ni Vice President Sara Duterte a ti panagbalinna a front-runner iti 2028 presidential race ti rason dagiti kaso nga impila ti administrasyon kontra kenkuana.
Karaman ditoy ti impeachment case a paset iti plano a panangikkat kenkuana iti baet ti panagbalinna a leading kadagiti survey iti 2028 presidential race.
Segun ken ni VP Sara, kayat ni Presidente Ferdinand Marcos Jr nga agtalinaed iti puesto uray nalpaston ti terminona inton 2028.
Iti kinaagpaysona, maysa kadagiti kabagyan ti presidente ti nangkumpirma a kayat ni PBBM ti tumaray iti kinapresidente.
Saan nga agtagtagari ti bise presidente mainaig kadagiti masangwanan a planona iti pulitika, kangrunaan iti 2028 elections ta patienna a ti panangibutaktakna kadagiti planona ket mangitunda laeng iti panagpeggad ti kinatalgedna.
