Binanatan ti Malakanyang ni Vice President Sara Duterte gapu iti panangbabalawna iti pannakailako ti P20 per kilo ti bagas idiay Visayas region.
Segun ken ni Palace Press Officer Usec Atty. Claire Castro, nasken a saan a pagpannurayen ti crab mentality.
Maipalagip nga inwaragawag ni Agriculture Secretary Francisco Tiu Laurel ti pannakaipatungpal ti P20 per kilo ti bagas a marugian idiay Visayas.
Kayat presidente a maipatungpal daytoy iti intero a pagilian iti napapaot a panawen ngem kinuna met ni Duterte a padpadasen man laengen ti gobierno a lukwen dagiti umili.
Inlawlawag ni Castro a ti pannakailako ti P20 per kilo ti bagas ket nasken a saan nga ikonektar iti survey a mangipakpakita iti panagbaba ti trust and performance rating ni Marcos idi Marso.
