--Ads--
Pinasingkedan ni Vice President Sara Duterte nga awan pay ti naawatna a pormal a dokumento a mangibilin kenkuana a sumango kas testigo iti bukodna nga impeachment trial.
Segun ken ni Duterte, saan pay a nakapagkomento iti posibilidad ti panagbalinna a testigo agingga awan pay ti naaw-awatna nga opisial a pakaammo.
Immunan a pinasingkedan ti House prosecution panel a kayatda a paayaban ni Duterte kas testigo mainaig iti Article 1 ti impeachment case mainaig iti confidential funds.
Impaganetget met ti defense counsel-na a ti inkapilitan a panagbalin a testigo ni Duterte ken mabalin a mailabsing iti constitutional rights-na kontra iti self-incrimination.
-- ADVERTISEMENT --
