Binabalaw ni Vice President Sara Duterte ti kasasaad ti journalism iti Pilipinas, kasaruno ti panagbisitana iti amana a ni dati a Pres. Rodrigo Duterte idiay The Hague.
Segun ken ni VP Sara, adayo pay laeng ti kalidad ti journalism iti Pilipino no yarig iti international media.
Kinunana a naur-urnos ti wagas dagiti international media iti panagsapul ken panangilanad kadagiti damag.
Nagsarita ni Duterte kalpasan a nasaludsod maipanggep iti mapapati a panagala iti sumagmamano a media outlet kadagiti saritana nga awan iti husto a konteksto, a gappuanan iti negatibo a panagkita kenkuana ken iti pamiliana.
Impaganetgetna a saan a rumbeng a kuarta iti kangrunaan a rason ti panagipadamag, ta no isu iti gagem, marigatan laeng a maaddaan ti pudno a panagbaliw iti pagilian.
Kinunana pay a dakkel a tulong ti social media ta mangmangted dayta iti gundaway iti publiko a makita iti agduduma a panirigan ken bukod a bersyon kadagiti pasamak.
