Sangapulo ket innem iti tumakder nga abogado ni Vice Pres. Sara Duterte iti impeachment proceedings iti House Committee on Justice.
Naammoan dayta kalpasan a nagipila ti Appearance ad Cuatelam wenno enter of appearance idi March 7 iti nasao a komite nga impablaak iti publiko ni Bicol Saro party-list Rep. Terry Ridon itattay.
Ti nasao a bilang dagiti abogado ni Duterte ket sangapulo ket maysa iti manipod iti Fortun Narvasa & Salaza law firm a pakairamananda Philip Sigfred A.Fortun, Gregorio Y. Narvaza II, Shiela C. Sison, Carlo Jaoquin T. Narvasa, Justin Nicol B. Gular, David Ronell M. Golla VII, Lindon Miguel C, Bacquel, Karol Grace G,, Oroceo, Clarlaine Radoc, Francesa Marie V. Flores ken Miguel Carlos A. Fernandez.
Karaman pay iti pool of attorneys ni Duterte iti impeachment proceedings kontra kenkuana da Michael Wesley T. Poa, Reynold S. Munsayac, Mark C. Vinluan, Ralhp B. Bodota ken Robert Batungbacal.
Ngem iti rules of impeachment, saan a mabalin nga ibagi dagiti abogado ti naim-impeach nga opisyal iti justice committee malaksid laeng no adda iti Impeachment Court ti kaso.
Kabayatanna, nadismaya ni Ridon ta dua kadagiti 16 nga abogado a kadua ti legal team ni Duterte ket adda conflict of interest ta karamanda kadagiti posible a witness iti panaggastos ken confidential funds iti bise presidente.
