Kinondenar ni Vice President Sara Duterte iti mapapati a “gross abuse of police power” iti operasyon ti kapulisan tapno sapulen ken kemmegan ti wanted a Kingdom of Jesus Christ leader a ni Pastor Apollo Quiboloy iti KOJC compound idiay Davao City.
Segun ken ni VP Sara, numan pay saanna a kontraen ti implementasyon ti warrant ket saan a kaawat-awat ti mapapati a kinaranggas kadagiti sibilian ken miembro ti religious group.
Manipud iti parbangon idi kalman, saan a bumaba iti dua ribo a pulis ti simrek ken pumalawlaw iti KOJC compound tapno iserbi ti warrant iti wanted a pastor ken dagiti padana nga akusado.
Iti kamaudianan, nagkiddaw iti pammakawan ni Duterte kadagiti miembro ti KOJC a mapapati nga inallukoyna nga ibotos ti running mate da idi 2022 a ni Presidente Ferdinand Marcos Jr.
