VIGAN CITY – Sapsapulen dagiti pannakabagi ti linteg iti Caoayan Municipal Police Station ni Marivic de Peralta nga agnaed idiay Brgy. Don Alejandro Quirolgico, Caoayan kalpasan a naala iti vaccination card ken voters ID-na iti nagsusugalan dagiti babbai a makemmeg koma iti Anti-Illegal Gambling Operation iti nasao a lugar.
Gapu iti kaadayo a nasurok kumurang 150 meters manipod iti kalsada nga ayan dagiti nagsusugal a babbai ket saan a nadanon dagiti pannakabagi ti linteg ta nakatarayda idi nakitadan dagiti otoridad.
Nupay kasta, naala ti maysa a set iti baraha, maysa a vaccination care ken voters ID a nainagan ken ni de Peralta, ken pusta nga aggatad iti Php 23,990.
Kabayatanna, naisayangkat iti follow up operation para iti posible a pannakakemmeg dagiti suspek.
