--Ads--
Posible a lukatanto manen ti Commission on Elections ti panagparehistro dagiti botante inton Oktubre no malpas ti sangapulo nga aldaw a voter registration para iti Barangay ken Sangguniang Kabataan Elections agingga inton Agosto 10.
Segun ken ni Comelec Chairman George Erwin Garcia, mabalinto a malukatan ti voter registration iti maikatlo a lawas ti Oktubre ken agtultuloyton agingga July 2026.
Immunan a pinasingkedan ni Garcia a permaan ni Presidente Ferdinand Marcos Jr ti gakat a mangisanud iti BSKE, a mapasamakto intono Nobyembre 2026.
Nupay kasta, itultuloy latta ti poll body ti agsagana no bilang adda agipila iti Temporary Restraining Order iti Korte Suprema a ti gagemna ket lapdan ti mapermaan a linteg.
-- ADVERTISEMENT --
