VIGAN CITY – Mangrugin itatta nga aldaw ti voter registration ti Commission on Elections kas panagsagsagana ti 2022 National ken Local Elections ditoy pagilian.
Inton July 6, 2020 kuma a mangrugi ti voter registration para tio 2022 NLE ngem nagdesisyon ti Comelec a maituloy iti panagparehistro itatta nga aldaw ta inaprubaran iti Kongreso iti pannakaisanud ti May 11, 2020 Barangay ken Sangguniang Kabataan Elections.
Karaman kadagiti mabalin nga agparehistro ket dagiti agtawen ton ti sangapulo ket walo agingga iti mismo a kaaldawan ti eleksyon wennu May 9, 2020.
Dagiti botante a nakapagparehstron idi May 13, 2019 midterm elections ket saanen a mabalin nga agparehistro manen.
Saan pay laeng a karaman iti voter registration dagiti sumagmamano a lugar idiay Batangas ken Cavite a direkta a naapektaran ti phreatic eruption ti bulkang Taal.
Ti registration period ket agpaot agingga inton September 30, 2021.
