Mangiruar manen ti House of Representatives ti subpoena kadagiti vlogger a saan a dumar-ay iti maikatlo a hearing ti House Tri Committee a mangdengdengngeg iti isyu ti fake news ken disinformation.
Segun ken ni Surigao del Sur Rep. Johnny Pimentel, dagitoy ket immunan a naikkan iti show cause order isu a ti sumaruno nga addang ken subpoena, ket dagiti saan a sumurot ket mabalin a ma-contempt ken maipakemmeg.
Dagiti social media personalities ket mapadpadar-ay iti sumaruno a panagdengngeg ti komite inton Abril 8.
Immunan a dimmar-ay iti TriComm Hearing idi kalman dagiti walo a vlogger a da Presidential Communication Office Secretary Trixie Cruz-Angeles, Krizette Laureta Chu, Ahmed Paglinawan, Elizabeth Joie Cruz, Ethel Pineda Garcia, Mark Anthony Lopez, Mary Jane Quiambao Reyes, Marc Louie Gamboa, ken Richard Tesoro Mata.
Ti idadar-ay dagiti vlogger ket resulta iti panangibasura ti Supreme Court iti kiddawda a Temporary Restraining Order.
