Saan a palabsen ti House Quad Committee dagiti kinasalawasaw ken panangdadael dagiti mabaybayadan vlogger kadagiti miembro da a maiwarwaras ti social media platform.
Gapu dayta, kiniddaw ni Quad Committee overall Chairman ken Surigao del Norte Representative Robert Ace Barbers, iti National Bureau of Investigation (NBI) nga ammuen, imbestigaran, ken pilaan ti kaso dagiti vloggers a baybayadan dagiti sindikato ti illegal a droga ken Philippine Offshore Gaming Operators (POGO) tapno agiwaras ti panangdadael ken kinasalawasaw.
Malaksid dayta, nagipila ni Barbers ti initial evidence iti NBI mainaig iti maiwarwaras ken panangdadael iti kabsat na a ni Surigao del Norte Governor, Lyndon Barbers, a maili-linked ti illegal a droga.
Natalek ni Barbers iti kabaelan ti Cybercrime Division ti NBI a masungbatan dagiti cyber-related offense, kangrunaan dagiti target na a riribuken ken dadaelen iti public process.
