Innem a participants iti agbibinnalubal iti maisayangkat a Virtual Child Storytellers contest iti siudad ti Vigan.
Iti pannakipatpatang ti Bombo Radyo Vigan ken ni Czarina Ubilas a City Librarian iti Vigan Library, dagiti sumali ti contest ket agtawen iti innem agingga walo wenno Grade 1 agingga Grade 3.
Segun ken ni Ubilas, dakkel a tulong ti pasalip para kadagiti ubbing tapno maipakita iti kinapateg ti panagbasa ti libro para iti panagsursuro numan pay adu dagiti kabaroan a wagas a pagbasaan.
Ti mangabak ti 1st prize ket makaawat ti P6,000 ken certificate; 2nd prize ket P4,000 ken certificate; ken 3rd prize a P3,000 ken certificate; adda pay ti special awards para ti Best in Costume a P1,000 ken Best in Cinematography a P1,000; idinto a ti consolation kadagiti saan a mangabak ket makaawat ti sag-P1,000.
Kinuna ni Ubilas a ti aktibidad ket pannakikammayetda ti City Social Welfare and Development para iti panangrambak ti National Children’s Month, National Library and Formation ken National Reading Month ita a bulan.
