Nakasagana ti maysa a bus company iti manamnama a kaadu ti pasahero ita a lawas kagiddan ti umadani a piesta ti natay ken karkarua.
Iti pannaki-uman ti Bombo Radyo Vigan ken ni Renie Pacpaco, Manager ti Viron Transit Terminal, ita pay laeng ket adun dagiti pasahero idiay Metro Manila nga agawid iti Ilocos Sur.
Binalakadanna dagiti agplamplano nga agawid nga agawaandan ti agpareserba ta mabalin ti walk-in wenno online reservation.
Impasigurado ni Pacpaco a nakakondision amin dagiti drayber, konduktor ken dagiti lugan nga agbiahe tapno natalged met laeng a makadanon dagiti pasahero kadagiti lugar a papananda.
Kabayatanna, awan ti nagbaliwan ti plete kadagiti pasahero ngem ipatungpalda latta ti 20 percent a diskwento kadagiti senior citizen, person with disabilities ken dagiti estudiante.
