Imbilin ti baro a Department of Public Works and Highways Secretary Vince Dizon kadagiti amin nga opisial ti ahensia nga agipasa iti courtesy resignation.
Daytoy ket adda pakainaiganna iti kontrobersya iti maanomalya nga infrastructure project, agraman ti flood control project nga im-imbestigaran ti gobierno.
Segun ken ni Dizon, ti addang ket maisurot iti ‘top to bottom’ a panangdalus iti ahensia maibasar iti umuna a marching order ni Presidente Ferdinand Marcos Jr.
Karaman iti pammilin dagiti undersecretary, assistant secretary, division head, regional director, ken district engineer iti amin nga opisina ti DPWH iti intero a pagilian.
Innayon pay ti opisial a mapatawan iti automatic lifetime blacklist ti amin a kontraktor a mapaneknekan a karaman iti ghost project.
Maipatungpal pay ti ‘sweeping revamp’ iti Philippine Contractors Accreditation Board (PCAB).
