Sinaludsod ti legal counsel ni dati a Presidente Rodrigo Duterte ti International Criminal Court prosecution no planoda met nga imbestigaran ti administrasion ni Presidente Ferdinand Marcos Jr., kagiddan ti panangipaganetgetda iti mapapati a “vigilante killings” uray nalpasen ti panagtakem ti dati a presidente.
Segun ken ni Kaufman, rumrummuar iti report manipud iti Dahas Project ti University of the Philippines a 160 manipud iti 342 a pammapatay ti nairekord iti ima dagiti state agent iti umuna a tawen ti Marcos administration.
Nairekord ti panagpangato manipud iti 342 kadagiti 362 a pammapatay sipud Hulyo 2023 agingga Hunyo 2024, ket nailanad iti report a responsible dagiti state agent kadagiti 34 percent a pammapatay.
Binalaw pay ni Kaufman no apay a saan nga agpampanawagan iti hustisia dagiti kaduana iti prosekusyon para kadagiti pammapatay a naaramid iti salinong ti agdama nga administrasion.
