--Ads--
VIGAN CITY – Nagyaman ti Vigan SWAT team babaen ti Team Leader a ni PSMS Abdul Asis Aurich Ayunon iti inted ti city government a baro a luganda.
Segun ken ni PSMS Ayunon, Oktubre idi naited dagiti rifle da ket iti daytoy a bulan a natungpal ti naikari kadakuada a mobile a maaramat iti panangpatalinaedda iti kapia ken linak iti masakupanda.
Naragsak ti grupoda ta kompleton dagiti alikamen a masapulda ta naited aminen ti city government dagiti kiniddawda ta no umay a tawen ket adda pay ti maysa a lugan a manamnama a maawatda.
Kabayatanna, ti pannakayawat ti baro a lugan kadagiti kameng ti SWAT ket indaulwan ti mayor ti siudad ken binendisyonan ni Rev. Garry Formoso.
-- ADVERTISEMENT --
