VIGAN CITY – Inallukoy ti Vigan Public Safety Office dagiti aglugan ti tricycle nga ireport kadakuada no adda dagiti managgunndaway a tricycle driver nga agsingsingir ti subra a plete.
Iti pannaki-uman ti Bombo Radyo Vigan kenni Vigan Public Safety Officer Jennifer Racsa, maaksyonan nga insigida dagiti parikot dagiti pasaheros no agreportda ti opisinada tapno mapaayaban ken maimbestigaran no ania dagiti mapaspasamak iniag iti sektor ti transportasyon ta adda dagiti agwarwaras ti social media a reklamo kontra kadagiti tricycle driver.
No adda iti maawatd a mensahe ti opisinada inaig ti nangina a singir ti plete ket insigidada nga agipatulod ti mensahe kadagiti biktima tapno maamuanda iti naananay a detalye ken paayabanda ti driver.
Nagpalagip ni Racsa kadagiti pasaheros a sakbay nga aglugan ket kitaen ken ikabesa ti franchise number dagiti tricycle ta no adda iti reklamo ket napaspas iti pannakabigbigna ken kitaen dagiti taripa nga adda iti uneg ti tricycle nga iso iti surutenda ken saan nga dagiti ibaga a plete dagiti driver.
Ti plete kadagiti poblacion barangay manipod ti Brgy. 1 agingga Brgy IX ket dua pulo a pisos para ti single occupant dagiti estudyante nga adda ti I.D pakairaman dagiti senior citizen ken PWD ket sangapulo ket lima a pisos no adado pay a pasaheros ket sangapulo ket lima a pisos tunggal pasaheros.
