VIGAN CITY – Maudin a panagpabuya ti Ilocos Sur dancing fountain idi rabii ta makabulan a maiserra para iti tinawen a maintenance na kas pinasingkedan ti mangimaton a ni Dante Tacata.
Segun ken ni Tacata, idi kuma pay laeng naminsan nga aldaw a temporaryo a maiserra t dancing fountain ngem naitantan laeng gapu ti panagbisita ti ambassador ti Israel ditoy probinsiya.
Pinasingkedan na met nga awan unay iti nadadael kadagiti pumps ken dadduma pay a paset ti dancing fountain nu di ket paset laeng ti agtinawen a maintenance na iti temporaryo a pannakaipaserra ti dancing fountain.
Mainaig dayta, nakikinnammayet dan ken ni Provincial Tourism Officer Ryan Astom tapnu isuna iti maka-ammo a mangibaga kadagiti hotel owners ken dagiti dadduma pay a maseknan ta paka-ammoan da dagiti sangaili nga awan pay laeng ti mabuya da a pabuya ti Ilocos Sur dancing fountain.
