--Ads--
Nangbukel ti Vigan City Police Station iti security plan a surotenda para iti linak ken talna kagiddan ti Undas 2025.
Iti pannaki-uman ti Bombo Radyo Vigan ken ni PLTCOL. Reynaldo Mendoza Jr., 241 a personnel ti pakabuklan a maideploy kaduada ti Bureau of Fire Protection, Provincial Disaster Risk Reduction and Management Council, City Health Office, Public Safety, ken dagiti barangay official.
Mangrugi ti deployment inton October 29 ta dayta nga aldaw ket adun dagiti mapan agdalus ken agpinta iti pantsong kadagiti kamposanto.
Namnamaenda ti pannakitinnulong ti publiko tapno natalna ti panangrambak iti piesta ti natay ken kararua ken mapagtalinaed ti kinatalged ti tunggal maysa.
-- ADVERTISEMENT --
