Impanamnama ti Vigan City Tourism Office a naragragsak ken nagargarbo manen ita ti panangrambak iti City Solidarity Cultural Festival ken Tourism Week a mangrugi inton Setyembre 8-26, 2025.
Iti pannaki-uman ti Bombo Radyo Vigan ken ni City Tourism Officer Joan Gutierrez, naidatagen ti schedule dagiti aktibidad a maaramid kabayatan ti selebrasyon ken nagkiddawdan iti pondo a maaramat.
Malaksid dayta, manarimaan ti pannakibinnuligda iti barangay ken pagadalan a pakaisayangkatan dagiti dadduma nga aktibidad.
Paset iti selebrasyon dagiti cultural competition kas iti pannakaisayangkat ti parade on streets with drama a pakakitaan ti nadumaduma a historical era, zarzuela, dallot, daniw, Sabayang Pagbigkas, ken Repaso.
Malukatanto met ti Barangay Tourism Trade Fair a pakaitampokan ti One Barangay One Product.
