VIGAN CITY – Nakasaganan ti Vigan City Police Station para iti dakkel a politcal caravan inton bigat ta manamnama iti rinibo a tattao iti makipaset iti nasao nga aktibidad.
Iti pannaki-uman ti Bombo Radyo Vigan kenni PLt. Col. Dominic Guerrero, hepe ti Vigan City PNP, saan a bumababa ti lima ribo a riders ti makipaset ti caravan ken sabali pay dagiti dadduma a tattao a supporter da Presidential Aspirant Former Senator Ferdinand Bongbong Marcos Jr ken Vice Presidentiable Davao City Mayor Sarah Duterte Carpio.
Nakaganan ti traffic management ken security iti aktibidad ken kiniddawna kadagiti umili ti pannakaawat ta adda ti rerouting kadagiti kalsada ti siudad ta posible nga agpaot ti saan bumaba ti maysa nga oras ti parada.
Innayon ni Guerrero a sakbay ti pangaldaw mangruginton ti caravan ket kalpasanna agturong dagiti agpaidasig idiay ili ti Bantay.
