VIGAN CITY- Nabigbig ti Vigan City police station iti panangidaulo ni PSupt. Marlo Castillo a Best City Police Station iti intero a pagilian kas paset iti 116th Police Service Anniversary Celebration ti Philippine National Police.
Malaksid iti Vigan City PS ket naala pay ti Police Regional Office-Region 1 iti panangidaulo ni PCSupt. Charlo Castillo ti Best Regional Police Office iti intero a pagilian.
Daytoy a pammadayaw a naawat ti Vigan, ken ti intero a Rehiyon Uno ket mangipaneknek laeng iti dedikasyon dagiti amin a miembro ti PNP a manglaban ti krimen nangruna ti illegal a droga.
Maipalagip a kaddua a napagpilian para iti nasao a pammadayaw ket ti Vigan City Police Station, Digos City police station ken Batangas City police station ngem ti napili a Best City Police Station ket ti siyudad ti Vigan.
