VIGAN CITY – Nailukaten iti publiko ti Vigan City Night Market kas paset ti Raniag Vigan Twilight Festival 2022.
Iti umuna a rabii ti Night Market ket dinarup dagiti tattao kangrunaan dagiti Bigueño dagiti nadumaduma a lako a makita kas dagiti makan, rtw, ukay-ukay ken dadduma pay.
Nakalukat ti night market mangrugi iti alas sais iti rabii agingga alas dyes iti rabii ken masarakan idiay Alcantara Street, sango ti Vigan City Public Market.
Segun ken ni Hermie Etrata, City Cooperative officer, napintas manen ti pannakaisubli ti night market iti siudad kalpasan ti mano a tawen a naawan gapu ti pandemya.
Nupay kasta, ibilangna met a balligi ti night market ta uray no natudo keta du latta dagiti napan a tattao.
No mainaig met iti pannakayatiddug ti night market ket nakadependento ken ni Mayor Bonito Singson ngem iti agdama, naituding nga agpatingga ti night market inton November 5.
