VIGAN CITY – Nakairekord laeng iti innem a kaso iti dengue ita a bulan iti Hulyo ti Vigan City kas pinasingkedan ni City Health Officer Dra. Loida Afroilan-Ranches.
Iti pannaki-uman ti Bombo Radyo Vigan kenni Dr. Ranches, nababa laeng iti nairekord ti siudad a kaso ti dengue kumpara kadagiti naglabas a tawen iti agpada a bulan ngem no pay kasta saan nga agsardeng kadagiti addang nga araramidenda kontra dengue.
Agtultuloy iti pannakitinnulongda kadagiti opisyales iti barangay a mangisayangkat iti panagdalos ken oplan taob ta maparmek dagiti lamok nga adda denguena.
Nagkiddaw ni Dra. Raches kadagiti umili nga itultuloy iti panagdalus ti arubayan ken suroten ti 4S wenno Search and Destroy, Seek Early Consultation, Self Protection Measures ken Support Spraying or Fogging.
