VIGAN CITY- Naisakupen ti state of calamity ti syudad ti Vigan City ta immaboten iti sangagasut sangapulo ket tallo a milyon a pisos iti gatad dagiti nadadael iti imprastraktura ken agrikultura kas maibasar iti initial assessment.
Segun kenni Sangguniang Panglungsod Member ken Acting Presiding Officer Third Ranches, inpasa da ti resolusyon tapno maideklara ti state of calamity kas maibasar iti rekomendasyon dagiti maseknan nga ahensya kas ti City Disaster Risk Reduction And Management Council tapno nadardaras da a mausar ti pondo para iti assistance dagiti agkasapulan.
Kabayatanna, inpakaammo ni Ranches nga agtultuloy ti assessment da kadagiti ancestral houses tapno mammmuan ti gatad dagiti nadadael .
Inlawlawag ti konsehal nga uray no adda ti nakailanad iti conservation code kadagiti ancestral houses ket maikkan ti shelter assistance dagiti akinkukua kadagiti kadaanan a pagtaengan babaen iti nasao a resolusyon.
Innayonna nga adda ti regulasyon iti panagtarimaan kadagiti balbalay ngem gapu ta nabagyo ket mabalin a matarimaan uray no awan ti technical working group ngem maidalan latta iti inspeksyon.
