VIGAN CITY – Nangbukel ti maysa a gropo ni Vigan City Mayor Jose “Bonito” Singson Jr a mangkita kadagiti qualification dagiti empleyado ken no kabaelan a sweldoan ida ti gobierno siudad.
Segun kenni Mayor Singson, adda iti rimmuar a listaan dagiti empleyado a job order wenno contractual ket no nakadkadlaw a saanen a masapol nga i-reniew ti kontratada ket maikkatdan kangrunaan dagiti na-hire innem a bulan a napalabas.
No pay kasta dagiti nabayagen a contractual ket maikkan prayoridad kasta met dagiti agdama a regular nga empleyado.
Innaoyn ni Mayor Singson a dagiti addang nga araramidenda ket temporaryo tapno makita no dagiti agdama nga empleyado manipod kababaan agingga department head ket iso iti rumbeng nga adda kadagiti nadumaduma a posisyon.
