--Ads--
Binalakadan ni Vigan City Market Master Harold Dela Cruz dagiti konsyumer nga agreportda iti opisinada no adda parikut iti inda panaggatang.
Dayta ket kalpasan nga adda maysa a konsyumer ti nagreklamo a tulang dagiti naited kenkuana idi gimmatang iti lasag.
Iti pannaki-uman ti Bombo Radyo Vigan ken ni Dela Cruz, dagus a naipakaammo daytoy iti mangidaulo iti meat sector ti tiendaan tapno maisayangkat ti inspeksyon.
Makitaripnongdanto pay kadagiti aglaklako tapno maballaaganda no ania dagiti posible a mapasamak no saanda nga aglako iti husto a wagas, ken tapno saan met a maabakan dagiti konsyumer.
-- ADVERTISEMENT --
