Pormal nga inrusat ti Vigan City Health Office, kadua ti Department of Health-Center for Health Development (DOH-CHD) Region 1, Philippine Pediatric Society (PPS), ken Ilocos Sur Medical Society (ISMS), ti National Measles-Rubella Supplemental Immunization Activity (SIA) idi August 11, 2026 idiay Barangay Pantay Fatima Covered Court.
Indauluan ni City Mayor Randy Singson ti aktibidad kadua da Sangguniang Panlalawidan Member Joy Benette Orio, Chairperson ti Committee on Health and Sanitation; SPM Larry Raboy; SPM Jay Andia; SPM Ignacio Tadeo; ken City Health Officer Dr. Loida Ranches.
Iti naisayangkat a launch, minonitor ni Dr. Marga Concurbieta a team leader iti DOH-CHD Region I, ti implementasyon ti programa.
Impaganetget ni Dr. Ria Rose Ann Serrano iti Philippine Pediatric Society ti kinapateg ti panagbakuna tapno masalakniban dagiti ubbing kontra kadagiti sakit a mabalin a maliklikan babaen ti bakuna.
Nangisayangkat pay ti ceremonial a panagbalina dagiti pediatrician manipod Philippine Pediatric Society ken Ilocos Sur Medical Society kas paset iti pannakairusat.
