VIGAN CITY- Adu nga aktibidad ti insagana ti syudad ti Vigan para kadagiti babbai para iti agdama a bulan nga isu ti Women’s Month celebration.
Segun ken City Social Welfare and Development Officer Cely Agcaraman, makabulan iti selebrasyon ti city government ti Women’s month isu nga adu dagiti aktibidad a para kadagiti babbai kas iti Zumba sa barangay livelihood demo, defense tactics ken adda pay ti Buntis Congress.
Maysa kadagiti ipangpangruna ti city government ket iti personality development para kadagiti distressed solo parent nga adu unay iti pakakumikuman da isu a saan dan a maasikaso ti pisikal a bagi da.
Malaksid kadagiti distressed solo parent, maysa pay kadagiti ik-ikkan da ti importansiya dagiti nasapa a nasikogan a babbai wennu dagiti biktima ti teenage pregnancy tapnu matulungan ida ken maiparipirip kadakuada nga uray nu nagbiddot da ket adda pay laeng iti namnama da.
