Simmangpeten iti Pilipinas ni Vietnamese President To Lam para iti dua nga aldaw nga state visit.
Ti Vietnamese president ket pinasangbayan ni Agriculture Secrtary Francisco Tiu Laurel Jr. iti Villamor Airbase pasado ala una iti malem.
Ti state visit ket maibasar iti awis ni Presidente Ferdinand Marcos Jr. kas paset iti maika-50 nga anibersaryo ti diplomatiko a relasion ti Pilipinas ken Vietnam.
Naituding nga agsarak ti Presidente ken ni President Lam inton bigat idiay Malakanyang a pakaangayan ti bilateral meeting dagiti 2 a lider.
Manamnama a matratar iti taripnong ti Presidente ken ti Vietnamese president dagiti maipanggep iti negosio ken panagpuunan, seguridad iti taraon, defense ken maritime cooperation ken dadduma pay a napateg nga isyu iti rehion.
