Dead on the spot ti maysa a drayber iti panangdungpar ti trak kadagiti lima a lugan iti national highway idiay Barangay Suso, Sta. Maria, Ilocos Sur kabayatan ti victory motorcade ti team Bileg kas selebrasyonda iti kalkalpas nga eleksyon.
Nabigbig ti drayber ti trak a ni Jun Robillos Ocampo, agtawen iti limapulo ket uppat, truck driver, taga-Barangay Pugo, Bauang, La Union.
Ti Euro 125 a motorsiklo ket minaneho ni Leoric Alvior Castillo, agtawen iti tallopulo ket uppat, taga-Barangay Tangaoan, Sta. Maria.
Ti Yamaha NMAX ket minaneho ni Edmund Castro Dasalla, backrider ni Remedios Danumen Dasalla, agpada a taga-Barangay Baliw Daya, Sta. Maria.
Ti maysa pay a Yamaha NMAX ket minaneho ni William Tolentino Areola, agtawen iti uppat a pulo ket uppat, taga-Barangay Ag-agrao, Sta. Maria.
Kabayatanna, ti MIOi125 a motorsiklo ket minaneho met ni Ronald Almendral Florendo, agtawen iti tallopulo ket siam, taga-Barangay Cabaroan, Sta. Maria.
Ti met kurong-kurong ket minaneho ni Ramon Alambra Supsup, taga-Baragay Suso.
Iti pannaki-uman ti Bombo Radyo Vigan ken ni Police Major Macario Dulawan Jr., agsagsagana dagiti motorsiklo para iti motorcade, ket agpapa-amianan met ti trak idin ta nag-overtake daytoy iti sarsarunwenna a lugan ket naawanan iti preno isu a naidungpar iti Euro motorcycle a sumrek iti national highway, ket nagtultuloy pay a nangdungpar kadagiti tallo a motorsiklo ken maysa a kurong-kurong.
180 meters ti kaadayo ti initial impact agingga iti nagsardengan ti trak a nangarado kadagiti lugan.
Gapu dayta, nadunor ti nadumaduma a paset ti bagi dagiti drayber idinto a ti drayber ti motorsiklo a ni Areola ket dead on the spot.
Saan met a naan-ano ti drayber ti trak.
