Agsagsaganan ti agama a da Vice President Sara Duterte ken dati a president Rodrigo Duterte tapno sanguen ti imbestigasyon ti international Criminal Court (ICC) iti war on drugs iti napalabas nga administrasyon.
Segun kenni VP Sara a no man pay saan isuna a pormal a paset ti ICC investigation ket sagsaganaanna.
Inaminna pay a kasapulan ti amana nga agbalin a well-prepared para iti imbestigasyon ti ICC ta isuna iti ma-hot seat ti imbestigasyon.
Iti agdama ket kitkitaen ti ICC ti rinibu a Pilipino a natay bayat ti war on drugs campaign a ti kaaduan ket marigrigat.
Maipalagip a natakuatan ti imbetigasyon ti House quad-committee nga adda napasamak a reward system iti panawen ti war on drugs.
Innayon pay ni VP Sara a ti sitwasyon ket best to be answered by the lawyers,” kalpasan a nadamag kaniana mainaig ti inyanunsiyo ti Malakanyang nga ikonkonsiderar dagiti local nga otoridad a makitinnulong iti Interpol no kiddawen ti ICC ti Interbensyon wenno babaen kadagiti drug war probe.
