--Ads--
Saan manen a dumar-ay ni Vice President Sara Duterte iti State of the Nation Address wenno SONA ni Pres. Ferdinand Bongbong Marcos Jr. inton July 28.
Segun ken ni House Secretary General Reginald Velasco, nakalanad iti surat manipod Office of the Vice President (OVP) a saan a dumar-ay ti bise presidente kalpasan a napatulodan ti pormal nga imbitasyon para ti SONA.
Awan iti rason nga inted ti OVP nu apay a saan a makadar-ay ti bise presidente iti maikapat a SONA ni President Marcos.
Kabayatanna, siguradoen ni Velasco a mangilatang latta ti Kamara ti tugaw wenno holding area para ken ni VP Sara ken staff-na nu kas bilang agbaliw iti kapanunotanna.
-- ADVERTISEMENT --
