Ingkari ni Vice President Sara Duterte a saan a pumanaw iti pagilian no makemmeg gapu kadagiti naipila a reklamo kenkuana.
Segun ken ni Duterte, awan ti planona a pumanaw iti pagilian wenno aglemmeng nu mairuar ti warrant of arrest kenkuana ta adda ditoy dagiti annakna.
Kinunana nga uray maibalud ket kayatna latta a makitkitanto dagiti annakna.
Ti panagsarita ni Duterte ket kalpasan ti saanna a panagatendar ti imbestigasyon nga insayangkat ti National Bureau of Investigation inaig ti pangta a pannakapapatay da President Ferdinand Marcos Jr., First Lady Liza Marcos ken Speaker Martin Romualdez.
Imimbestigaran ti NBI nu committed ni Duterte ti grave threats iti salinong ti Article 282 iti Revised Penal Code in relation to Section 6 iti Cybercrime Prevention Act of 2012 wenno Republic Act No. 10175 wenno panaglabsing ti Anti-Terrorism Act of 2020 wenno Republic Act 11479.
Imbes a sungbatanna ti subpoena nga impatulod ti NBI ket kinaykayatna ti nagipasa ti position paper kadagiti abogadona.
Malaksid iti ibestigasyon ti NBI ket sumangsango pay ti reklamo ni Duterte iti grave coercion, direct assault and disobedience a dagitoy ket impila amin ti Philippine National Police.
VIDEO – VICE PRES. SARA DUTERTE
