Pinasingkedan ni a nalpasen ti verification process para kadagiti tallo nga impeachment complaints a naipila kontra ken ni Vice President Sara Duterte.
Maibasar iti panagadal ti Legal Department ket mabalin a maibilang a verified complaints dagiti tallo a reklamo.
Yur-urayda laeng no adda mangipila iti kanayonan a reklamo sakbay nga ipatulodna iti Office of the Speaker.
Segun ken ni Velasco, adda dagiti kongresista a nangipeksa iti intensyonda a mangi-endorso wenno mangipila iti maikapat a reklamo.
Kasaritana ida inton sumaruno a lawas tapno maammuanna no ania ti sumaruno nga addangna.
No mai-endorso ti Office of the Secretary General, ti Office of the Speaker ket addaan ti 10 sessions days tapno maipatulod iti House Committee on Rules.
Tallo nga aldaw ti sesion ti Rules Committee tapno mai-refer ti reklamo iti House Committee on Justice, a mangisayangkat iti hearing.
