Saan a ninamnama ti ti variety store owner ken ti kaduana nga adda latta makaitured a mapan agtakaw iti puestona uray no adu dagiti nakaimuntar a CCTV idiay Barangay Iboy, San Ildefonso, Ilocos Sur.
Ti biktima wenno makinkukua iti store ket ni Carmela Claire Magabilim Dalipon, agtawen iti duapulo ket uppat ken residente iti Brgy. Iboy ti nasao nga ili.
Nabigbig ti suspek a ni Elmer Santos Pipo, agtawen iti tallopulo ket uppat ken residente iti Brgy. 1, Bantay, maysa kadagiti naaktuan pay a madama iti pot session-da kadua ti kasinsinna iti maysa a kuarto iti ili ti Bantay.
Iti pannaki-uman ti Bombo Radyo Vigan ken ni Lydia Tabula, kadua ti store owner, datin a makitkitana ti suspek a mapan met laeng gumatgatang kenkuana.
Basar ti imbestigasion, nakastrek ti suspek ti uneg store babaen iti panangdadaelna iti galvanized door ket intarayna ti dua a selpon, pakairamanan ti sumagmamano a sigarilio ken hand drill nga aggatad amin iti duapulo ket lima a ribo.
Nakita manipod ti CCTV footage a naglibas ti biktima babaen iti bisikleta ken iggemna dagiti tinakawna.
Nupay kasta, nakemmeg ti suspek ken narekobre met laeng dagiti tinakawna.
