VIGAN CITY – Umabot iti P70,000 iti gatad iti uppat a pulo a chicharron pork a nailugan ti maysa a van iti nasalamaan idiay Brgy. Lacong, Tagudin.
Segun ti Tagudin Municipal Police Station, naglabsing ti Provincial Ordinance No. 15-06, series of 2015 ti nagmaneho ti van a ni Cynthia Guerzon Gerona, agtawen iti limapulo ket siam, balo, negosyante nga agnaed idiay 121 Tumana, Santa Maria, Bulacan gapu iti pannakasalama dagiti saan a dokumentado a chicharron pork.
Babaen ti panagtitinnulong dagiti kameng ti Animal Quarantine, Bio, Tagudin ken pannakabagi ti linteg ket nasalamaan iti lugan ta awanan ti shipping permit, awanan ti certificate of meat inspection ken saanna a dimmalan ti inspection.
Addan iti kustodiya iti Animal Quarantine ti nasalamaan a driver ken dagiti nailugan a chicharron pork tapno dumalan ti proper disposition.
