VIGAN CITY – Natukbob ti van ti maysa a truck idiay Brgy. Balaleng, Bantay, Ilocos Sur.
Dagiti karaman ti aksidente ket da Dexter Crystal, agtawen ti limapulo ket dua, agnaed idiay Brgy. Ambulogan, Narvacan a nagmaneho ti Truck idinto a ti nagmaneho ti van ket ni John Dazo Alay-ay, agtawen ti tallopulo ket siam, naasawaan, employed nga agnaed idiay Brgy. Saoat, Santa Cruz.
Maibasar ti inisyal nga imbestigasyon, agpada nga agpapa-amianan a direksyon dagiti lugan a ti adda iti sangwanan ket ti truck ket idi nadanonda iti nasao a lugar, nagpreno ti truck ta bigla a nagsikko ti motorsiklo nga adda ti sangwananna a gappuananen ti pannakatukbob ti nagmaneho ti Van iti nasao a truck.
Nupay kasta, awan ti nadangran a driver ken pasaheroda ngem saan pay a naamwan nu mano ti gatad ti nadadael a paset ti lugan.
