Bimmaba iti 56 percent dagiti insidente nga adda pakainaiganna iti 2025 midterm elections no yarig iti 2023 barangay elections, kas pinasingkedan ti Philippine National Police.
Uray no nabab-baba iti 46 ti validated election-related incidents ti nairekord ita a tawen no yarig idi 2023 nga adda ti 105 nga insidente, nangatngato met daytoy iti 27 nga insidente a naimaldit idi 2022.
Dinayaw dagiti opisial ti PNP ti panangikagumaan dagiti pulis ken dagiti kameng ti ahensia para iti naurnos nga eleksyon.
Dagiti dadduma a minor issue, kas ti pannakadadael dagiti makina ken pannakataktak iti panaglukat dagiti presinto, ket dagus met a natignayan ken saan a nagbalin a pangta iti seguridad.
Agtultuloy met ti imbestigasyon kadagiti panaggatang iti botos ken panaglabsing iti liquor ban.
