--Ads--
Nagpanawagan ti Volunteers Against Crime and Corruption kadagiti otoridad a kitaen a naimbag dagiti flight record ni Miss Universe Philippines 2023 Michelle Dee mainaig iti reklamo a panangdangran ken illegal detention ti drayber ti aktres a ni Rhian Ramos.
Segun iti VACC, mabalin a manglawlawag ti nasapa a biahe ni Dee a napan idiay Iloilo kadagiti pammabasul nga impila ti drayber a ni Bonifacio Baro, uray pay no madakdakamat nga awan ni Dee idi napasamak ti insidente.
Maipalagip nga inkalintegan ti Filipino footwear designer a ni Jojo Bragais ken celebrity makeup artist a ni Dave Quiambao ni Dee.
Kunada nga imposible ti ibagbaga ti complainant iti pasamak idi Enero 17 gapu ta adda idiay Iloilo ni Michelle kadagita a panawen.
-- ADVERTISEMENT --
