Madanagan ti Volunteers Against Crime and Corruption kadagiti nagsasaruno a krimen a mapaspasamak iti pagilian.
Karaman ditoy ti pannakasarak iti bangkay ti maysa a beauty queen ken ti nobiona idiay Capas, Tarlac ken ti tallo a bangkay a nasarakan a nakairamanan ti dua nga Australian national iti maysa nga hotel idiay Tagaytay City.
Iti pannaki-uman ti Bombo Radyo Vigan ken ni Boy Arsenio Evangelista, presidente ti VACC, dakkel a pakaibabainan ti pagilian iti sangalubongan dagiti napasamak a krimen ken mangitunda iti parikut iti turismo ken negosyo ta isu ti pagsarmingan no kasano ti linak ken talna ti pagilian.
Pakaladingitanna pay a dagiti karaman iti pasamak ket dagiti PNP personnel.
Patien ti opisial a panawenen tapno awagan ni Presidente Ferdinand Marcos Jr nga ipariten ti Philippine Offshore Gaming Operations iti pagilian ta saan a nakaited iti pagsyaatan no di ket nangitunda laeng kadagiti nadumaduma a klase ti krimen kas ti human trafficking, murder ken kidnapping.
