Utang iti Pilipinas, umaboten ti P16.63 trillion 

Kinumpirmaran ti Bureau of Treasury nga umaboten iti P16.63 trillion ti utang iti Pilipinas iti panagleppas iti bulan ti Pebrero.

Segun ti ahensya, 1.96 percent manipod P319.26 billion ti nainayon nga utang iti pagilian kumparar idi Enero.

Ti 67.5 percent ket domestic debt nga aggatad ti P11.2 trillion idinto a ti 32.5% nga utang iti ruar ti pagilian ket aggatad ti P5.41 trillion kalpasan a nanayunan iti P179.64 billion manipod Enero.

Kinuna ti Treasury a bimmasit pay iti domestic debt iti pagilian gapu iti panagpigsa ti gatad ti piso kontra dolyar.

Sinigurado iti ahensya a maar-aramat kadagiti proyekto ti gobierno dagiti maut-utang pakairamanan ti project loans para ti railways, health sector ken agricultural sector.