Utang iti Pilipinas, umaboten iti P18.13-T idi Enero

Umaboten iti P18.13 trillion ti utang iti Pilipinas idi agtapos iti Enero.

Maibasar iti listaan ti Bureau of Treasury, ti utang iti pagilian ket ngimmato iti 11.2 percent no yarig iti P16.31 trillion idi Enero 2025.

Kada bulan ket ngumatngato iti 2.4 percent iti maawagan a sovereign fund.

Naartapanna dayta iti record-high a P17.71 trillion nga utang a nairekord idi December 2025.

Ti nasao a banag ket mangipasimudaag a nanayunan iti P426.15 billion nga utang iti pagilian iti panagleppas iti umuna a bulan iti 2026.

Natalek met ti Bureau of Treasury a ti nasao a lebel ket sustainable uray adda dagiti karit manipod domestic ken global landscape.