Agtultuloyen ti kampania dagiti dua a US presidential candidate a da dati a US President Donald Trump ken US Vice President Kamala Harris kadagiti “key swing states” karaman ti North Carolina dua nga aldaw sakbay ti US elections.
Agdama nga adda idiay Greensboro ti dati a US president idinto a ni Harris ket adda idiay Charlotte para kadagiti maudi a campaign rally da.
Binanatan ni Trump ti sangapulo ket lima a polisiya a binaliwan ni Harris kas maikadua a kangatoan nga opisial ti Amerika.
Segun ken ni Trump, nagbalin a pagtaudan dagiti dakkel a parikut ti nagbalin a tignay ti bise presidente ken inawaganna pay a “worst vice president” ni Harris iti pakasaritaan ti pagilianda.
Simmungbat met ni Harris ket kunana a no ni Trump ti agbalin a presidente ket yun-unana pay a pakasikuran dagiti kabusorna imbes a Serbian ti masakupanna.
