Makitaripnong ni US President Donald Trump ken ni Israeli Prime Minister Benjamin Netanyahu idiay White House inton sumaruno a lawas tapno pagpatangan ti kasasaad idiay Gaza ken Iran ket imbingayna ti namnama a magun-od ti ceasefire idiay Gaza iti kabiitan a panawen.
Segun ken ni Ron Dermer a senior Israeli official, adda isuna ita idiay Washington para iti pannakaisayangkat ti nasao a taripnong ta nakaituding a kasinnarakna da US Special envoy Steve Witkoff, Secretary of State Marco Rubio ken Vice President JD Vance.
Agtintinnulong ni Trump ken Netanyahu iti military operation kontra ti nuclear sites idiay Iran idi Hunyo a nakaisayangkatan ti American B-2 bombing raids a nagkunaan ni Trump nga obliterated iti nuclear capability iti Tehran.
Namnamaen ni Trump a magun-od ti ceasefire-for-hostages agreement inton sumaruno a lawas iti nagbaetan iti Israel ken Iran-backed Hamas militants idiay Gaza.
